Hauptiwung

Der Kall wacht uf und denkt erschreckt

iich brauch doch noch ä Brandobjekt.
 

Do fäält ihm ei die Schul die Alte

do kennt ma doch die Üwung halte.
 

Än Fliega stätzt dort durch des Dach

un mecht dobei än Riesenkrach.
 

Die Schul die dut gleich richtig brenne

die kinna aus dä dür raus renne.
 

Valetzte schreie „Au oh weh“

des isch dem Kall sei Brändidee.
 

So mecht er´s als eich isch´s bekannt

des sin so Fätz vum Kumandant.
 

Und wois dä Kall dann nimmi weida

mecht er de Lui zum Einsatzleida.
 

Un leeft dann halt die Üwung krumm

trecht Vetter die Verantwortung.
 

Doch isch die Üwung dann uff zack

Gesamtleitung hat dann de Back.
 

Dä Lui denkt dann so still va sich na

was dä Kall kann des kann ich a.
 

Un denkt dabei der alte Stirer

zu was häma dann die Gruppefihra.
 

Gruppe ons kriegt dä Ernst ihr kennt den jo all

dä Götzmann dä Suh vum Petarkall.
 

Gruppe zwo kriegt dä Schäffner dä Hermann der Schlanke

hot heit schun hechere Führergedanke.
 

Vun dene zwe sucht sich dann jeder sei Leit

die Schul brennt noch immer, es wät langsam Zeit.
 

Dä Ernst mit seiner Gruppe der Stabile

muß dänn die Valetzte vum Schulhaus rauswihle.
 

Inzwische do ruft dä Hermann ganz barsch

legt doch endlich die Schleich oder leggt mich am Arsch.
 

Dä Lui fregt dä Ernst sen´d Valetzte all raus
paar Lehrer sen noch drin die hewwe grod paus.
 

Inzwische do steht dem Schäffner sei Grupp

schun breidbonig do mit de Schleich voller Druck.
 

Do kummt dann´s Kommando marsch mit dem Wasser

des Schulhaus wäd nass, dä Schulhof noch nasser.
 

Es hot halt geklappt des Feier isch aus

die Spritz kummt in´s baufällige Spritzehaus.
 

Dann kummt noch vun Walldorf ihr kennt den, dä Kempf

und gibt zu dä Uwung däzu seinen Senf.
 

Gelobt wäd dä Kall un dä Hermann der Renner

zu dä änere secht da „ macht weida so Männer“.
 

Un owätz än dä sunn geht weida der Kult

dä Kall braucht zum Redä ä riesiges Pult.
 

Dann tritt noch de Madeis dä Kassier in Aktion

und verteilt dann pro Mann un pro Nas einen Bon.
 

Un wäds dann gemitlich un wäts richtig schee

dann secht unser Madeis es gitt koni mee.
 

Dä Ernscht der kann des bis heit noch net glaobe

vun dä Hauptiwung hom, an dorst noch im Mage.
 

Dann war endlich Schluß und alles geht hom

für eich hot´s notiert dä Schriftführer Kohm.

Von Alfons Kohm +T. Vetter © 2003